Romaría de San Cosme e San Damián en Baiona

Como cada ano nestas datas, Baiona vístese de festa en honor a San Cosme e San Damián. No marco desta celebración, tamén terá lugar a Feira do Mel e das Noces, onde poderás mercar estes deliciosos produtos en diversos postos de venda.

Durante dous días, a Praza de Santa Liberata transformarase nun mercado que ofrecerá unha ampla gama de produtos do campo. Desde mel e noces ata froitas, verduras, ferramentas agrícolas, embutidos locais, cosméticos naturais como xabóns, cremas hidratantes, aceites, así como plantas ornamentais, antigüidades e artesanía, entre outros. Ademais, o mercado estenderase ata a Glorieta de Colón, percorrendo a rúa Marqués de Quintanar.

Para facer a túa visita aínda máis agradable, haberá entretemento en vivo con actuacións de grupos folclóricos, pandereteiras e pasarrúas. Aquí presentamos o programa de actos desta celebración:

Aclaración: En 2024, os días de celebración estaban programados para o mércores 25 e xoves 26 de setembro, pero por condicións meteorolóxicas adversas foron reprogramados para o xoves 26 e venres 27 de setembro.

Xoves, 26 de setembro (festivo local)

11:00 - Tirada de bombas de Palenque. A continuación, procesión en honor a San Cosme e San Damián. Saída desde a capela de Santa Liberata percorrendo as rúas principais da Vila acompañada polo grupo de gaitas "Os Trebellos" de Baiña.

12:00 - Misa solemne na igrexa parroquial.

13:00 - Actuación do grupo de gaitas "Os Trebellos" de Baiña na Praza de Santa Liberata.

18:00 - Pasarrúas do grupo de gaitas "Os Trebellos" de Baiña polo recinto da festa.

19:00 - Pasarrúas do grupo "Os terribles de donas" polo recinto da festa.

Venres, 27 de setembro

11:00 - Tirada de bombas de Palenque

18:30 - Pasarrúas da Asociación Cultural "A Seneira" polo recinto da festa.

Durante estes días de festas realizaranse varias misas tanto na Capela de Santa Liberata como na igrexa de Santa María de Baiona (Ex-colexiata). A continuación detallamos os horarios:

Día 25 de setembro: