O Miradoiro do Cabo Silleiro, é unha plataforma construída en madeira, situada a uns 100 metros de altura e á que se accede a través dunha pasarela tamén de madeira, situada na parroquia de Baredo (Baiona)

Desde este miradoiro pódese gozar dunhas preciosas vistas das Illas Cíes, Monteferro, Panxón e o litoral da costa do Concello de Baiona, bañado polo Mar Atlántico.

Para chegar é bastante sinxelo, unha vez chegamos ao Faro do Cabo Silleiro, visible e recoñecible desde a estrada nacional que une Baiona e A Guarda, seguimos pola estrada que sobe ao faro uns 500 metros e chegaremos ao miradoiro.

Adaptado a cadeiras de rodas e carriños/cadeiras de bebé, xa que non ten escaleiras

LUGARES PRÓXIMOS DE INTERESE: 

Faro do Cabo Silleiro, Batería de canóns J4 de Cabo Silleiro, Senda Fluvial do Rio Fraga (muíños de Baredo), Praia dos cristais de Silleiro